གློག་བརྙན་ཐུང་ངུ་འདི་གཉིས་ནི་ཐེམ་ཕུག་གྲོང་ཁྱེར་གྱི་ན་གཞོན་གོང་འཕེལ་ལྟེ་གནས་ཀྱི་སློབ་བུ་རྣམས་ཀྱིས་འབྲུག་ཡུལ་གྱི་རྒྱལ་ས་གྲོང་ཁྱེར་གྱི་མྱུར་བའི་དེང་རབས་རང་བཞིན་གྱི་དོན་དངོས་ལ་ཁ་གཏད་ནས་བཟོ་སྐྲུན་བྱས་པ་ཞིག་ཡིན་ཏེ། ཉེན་ཁེལ་ན་གཞོན་དང་སྨན་རྫས་སྤྱོད་པའི་ལང་ཤོར་བ། གྲུབ་འབྲས་ཆེ་བའི་ཁེ་ལས་པ། འཁྲབ་སྟོན་མཛད་སྒོ་སྤེལ་མཁན་བཅས་འདུས་པའི་གསར་སྐྱེས་ན་གཞོན་གློག་བརྙན་བཟོ་སྐྲུན་མཁན་རྣམས་མཉམ་དུ་འཛོམས་ནས་ཁོང་ཚོའི་གཏམ་རྒྱུད་དང་འབྲུག་པའི་དཔལ་འབྱོར་གོང་འཕེལ་རྗེས་འདེད་ཀྱི་འཕེལ་རྒྱས་ལག་རྩལ་དག་བཤད་ཡོད།

འཕོ་འགྱུར་ཞེས་པའི་གློག་བརྙན་དུ་འབྲུག་པ་ཀུན་ལེགས་ཀྱི་གཏམ་རྒྱུད་བཤད་ཡོད། འབྲུག་པ་ཀུན་ལེགས་ཀྱིས་དེང་རབས་ཀྱི་ན་གཞོན་ཞིག་ལ་བློ་སྤོབས་བསྐྱེད་ཡོད་ཅིང་། ཁོང་ནི་དུས་རབས་༡༣པའི་ནང་དུ་འབྲུག་ཡུལ་དུ་བྱོན་པའི་གྲུབ་ཆེན་ཞིག་ཡིན་ལ་སྐྱེ་ནུས་བདག་ཉིད་ཆེན་པོ་ཞིག་ཀྱང་ཡིན། ཁོང་གིས་སྨྱོན་པའི་ཤེས་རབ་ཀྱི་ངོ་བོར་ཉམས་ལེན་བྱས་ཏེ་མི་རྣམས་ལ་ཧ་ལས་ཧོན་འཐོར་བའི་ཚོར་སྣང་སྐྱེས་སུ་བཅུག་ནས་ཟབ་མོ་ངེས་དོན་རྟོགས་པར་བྱས་ལ། བརྩེ་དུང་གི་འཆར་ཡན་བཙལ་ཏེ་ཤུལ་བཞག་རིག་གནས་ལ་ཁ་གཏད་དུ་ལངས། གློག་བརྙན་ནང་གི་མི་སྣ་གྲགས་ཅན་ཏེ། མཚོ་སྐྱེས་མཚོ་མོ་དཀར་ཆུང་ལ་ཕྱི་ལོ་༢༠༠༨ལོའི་འབྲུག་གི་ལྕམ་ཆུང་གི་མིང་རྟགས་ཐོབ་ཅིང་། གློག་བརྙན་རིང་མོ་གཉིས་ཀྱི་རྗེས་སུ་མིང་གི་གྲགས་པ་ཁྱབ། ཚེ་རིང་རྡོ་རྗེ་ཀྱིས་རྒྱལ་ཡོངས་འབྲུག་པའི་གློག་བརྙན་དུས་ཆེན་འཛིན་སྐྱོང་གི་འགན་ཁུར་ཤིང་། ཁོང་རང་གི་འཁྲབ་སྟོན་རུ་ཁག་ལ་འགོ་ཁྲིད་བྱེད་ཀྱིན་མཆིས། ལས་དབང་ཞེས་པའི་གློག་བརྙན་ནི་བརྩེ་དུང་གི་འཆར་ཡན་ལྡན་ཞིང་དགོད་བྲོ་བ་ཞིག་ཡིན་ལ། དེས་འབྲུག་པའི་ཕོ་མོ་འདུ་འཛོམས་དངོས་ཡུལ་དེ་ཇི་ལྟར་ཕྱི་རོལ་ནས་ནང་འདྲེན་བྱས་པའི་རིག་གནས་ཀྱིས་འགྱུར་ལྡོག་བཏང་དང་གཏོང་བཞིན་པར་གསལ་སྟོན་བྱས་ཡོད་དེ། དཔེར་ན་སྟབས་བདེའི་འཕྲིན་ཐུང་དང་ལག་འཕེན་སྤོ་ལོ། ནག་ཤོག་བཅས་ཀྱིས་མཚོན་ནོ།

ན་གཞོན་གོང་འཕེལ་ལྟེ་གནས་དང་མཉམ་སྦྲེལ་བྱས་ཤིང་། ཤེ་ལི་དང་སྦྲོན་ནིལ་རོ་བྷན་ཐེབས་རྩ་ཚོགས་པ་དང་ཁི་ལོམ་བྷི་ཡ་སློབ་ཆེན་གྱི་སྒྱུ་རྩལ་གློག་བརྙན་སྡེ་ཚན་གྱི་གཏོང་ཕོད་རྒྱབ་སྐྱོར་ལ་བརྟེན་ནས་ད་གཟོད་འབྱུང་སྲིད་པའི་མཐུན་རྐྱེན་གྲུབ་པ་ཞིག་ཡིན།