གྱུང་པ་ནི་བོད་ཀྱི་གྲོང་གསེབ་ཀྱི་ཡུལ་ཚོ་ཞིག་ཡིན་ཏེ། བོད་མཐོ་སྒང་གི་ལྷོ་ཤར་གྱི་གྲུ་ཟུར་དུ་རི་མཐོ་ལུང་དོག་ཞིག་གི་གཞུང་གཤགས་ནས་ཆགས་ཡོད། འདི་གར་བཅའ་སྡོད་བྱས་པའི་མི་འབོར་༥༠༠༠ཡོད་པ་ཚང་མས་རང་ཁ་རང་སོས་ཀྱི་འཚོ་ཐབས་དཔལ་འབྱོར་ལ་བརྟེན་ཡོད་པས། དམའ་སར་ཞིང་ལས་རྩམ་པ༼ནས༽སྒྲུབ་པ་དང་མཐོ་སའི་དབྱར་མཚེར་དུ་སྒོ་ཕྱུགས་འཚོ་སྐྱོང་བྱས་ནས་འཚོ་ཐབས་བྱེད་པ་ཡིན། ལོ་འགའ་ཤས་ཀྱི་སྔོན་དུ། གྱུང་པ་ནི་བོད་ཀྱི་སྡེ་ཁུལ་གྲོང་གསེབ་དམིགས་བསལ་ཅན་ཞིག་ཡིན་ཏེ། གློག་དང་སྦུག་ཆུ། ཁ་པར་གྱི་ཞབས་ཞུ། རིམ་པ་གཉིས་པའི་གཞུང་ལམ་བཅས་ཅི་ཡང་མེད། དེ་གར་སློབ་གསོའི་གོ་སྐབས་ཤིན་ཏུ་ཕྲ་བས། སྡོད་མི་མང་ཤོས་དེ་ཡིག་རྨོངས་སུ་ཆགས་ཡོད་མོད། འོན་ཀྱང་ཕྱི་ལོ་༢༠༠༢ནས་འགོ་བརྩམས་ཏེ་འགྱུར་ལྡོག་ཆེན་པོ་བྱུང་། མ་གཅིག་ཚོགས་པས་རོའུ་ཐི་ཝོལ་ཐྲི་གྱུང་པ་སློབ་ཆུང་ལ་སྒོ་འབྱེད་བྱས་པ་ནས་བཟུང་སྟེ་སློབ་གྲྭ་དེ་ནི་ཡུལ་ཚོ་དེའི་འགྱུར་བཅོས་ཀྱི་མཁོ་ཆས་སུ་གྱུར་ལ། སློབ་གསོདང་ནུས་པ་གསོ་སྐྱོང་བརྒྱུད་ནས་སྡེ་ཁུལ་བསྐྱར་གསོ་བྱེད་པའི་རྩ་བའི་རྨང་གཞིར་གྱུར།

གཤམ་གྱི་གློག་བརྙན་ཐུང་ངུ་ནི་རོའུ་ཐི་ཝོལ་ཐྲི་གྱུང་པ་སློབ་ཆུང་གི་སློབ་མ་རྣམས་ཀྱིས་འཆར་འགོད་དང་བརྙན་ལེན་བྱས་པ་ཞིག་ཡིན། གློག་བརྙན་འདི་ནི་ལས་གཞི་མཐུན་སྦྱོར་བ་སྲས་སྲིལ་ཨེའུ་སི་ཁེའུ་ཧྥིལ་ཨོ་བྷིར་གྷན་གྱིས་ངོས་ཐོག་ནས་སློབ་མ་རྣམས་དང་མཐུན་འགྱུར་བྱས་ཏེ་རྩོམ་སྒྲིག་བྱས་པ་ཞིག་ཡིན།

འདི་ནི་མ་གཅིག་ཚོགས་པ་དང་མཉམ་སྦྲེལ་བྱས་པ་དང་ཤེ་ལི་དང་སྦྲོན་ནིལ་རོ་བྷན་ཐེབས་རྩ་ཚོགས་པ་དང་ཁི་ལོམ་བྷི་ཡ་སློབ་ཆེན་གྱི་སྒྱུ་རྩལ་གློག་བརྙན་སྡེ་ཚན་གྱི་གཏོང་ཕོད་རྒྱབ་སྐྱོར་ལ་བརྟེན་ནས་ད་གཟོད་འབྱུང་སྲིད་པའི་མཐུན་རྐྱེན་གྲུབ་པ་ཞིག་ཡིན།